Një zjarr ka rënë në masivin pyjor të fshatit Zërvaskë të Pogradecit.
Vatrat e zjarrit janë shfaqur rreth orës 13:15, zjarr i cili ka përshkruar bimësi të lartë, por edhe të ulët.
Nga flakët janë përshkruar më shumë se 2 hektarë gështenjë dhe bimësi e ulët.
Për shuarjen e flakëve janë angazhuar forcat të shërbimit zjarrfikës, atij pyjor si dhe banorë të zonës.
Mjetet e shërbimit zjarrfikës e kanë të vështirë për të arritur në vatrat e zjarrit për shkak të terrenit të vështirë malor.
Ndërkohë dyshimet e para janë se zjarri është i qëllimshëm.
