Amanda Bynes thuhet se qëndron në një institucion të shëndetit mendor pothuajse tre javë pasi u pa e zhveshur në rrugët e Los Anxhelosit.
Burime pranë aktores thanë për TMZ se ajo nuk ndihet "gati të largohet" dhe data e daljes së saj është ende "e pacaktuar". "Ata përreth saj tashmë po formulojnë një plan për t'u siguruar që ajo të qëndrojë në rrugën e duhur," thuhej në raport. Insajderët pohuan gjithashtu se stafi mjekësor po merret me qëndrimin e Bynes "javë pas jave" dhe se ajo do të regjistrohet në një program trajtimi të shëndetit mendor ambulator kur të largohet përfundimisht.
Amanda e cila më parë ishte diagnostikuar me çrregullim bipolar, mund të ketë jetuar "në rrugë për ditë të tëra" para se të telefononte vetë policinë pasi pësoi një krizë nervore, raportoi TMZ në atë kohë. Më 15 mars - katër ditë para se të gjendej - makina e saj u tërhoq në Long Beach, Kaliforni, më shumë se 40 milje nga shtëpia e saj. Vendndodhja e automjetit ishte gjithashtu 15 milje nga vendi ku ajo u gjet përfundimisht nga policët në qendër të Los Anxhelosit, duke i bërë burimet e gazetës të besojnë se ajo mund të ketë qenë duke bërë autostop ose duke marrë transportin publik.
Ndërkohë, ish i fejuari i Bynes, Paul Michael, pohoi për Page Six se ajo kishte qenë "pa mjekime" përpara episodit psikiatrik. Ish-çifti u pa së bashku për herë të fundit në dhjetor 2022, megjithatë Bynes i dha fund fejesës muaj më parë në korrik 2022./Lapsi.al
