Punimet dhe tenderat elektoral nuk mungojnë edhe në pragun e zgjedhjeve lokale në vend, edhe pse në kundërshtim të plotë me ligjin.
Bashkia Has është e fundit në radhë sa i përket tenderave elektoral të dhënë ditët e fundit. Sipas faqes së prokurimeve publike kryetari i bashkisë së Hasit ka miratuar tendera që nga mbjellja e luleve dekorative, shtrimi i rrugëve deri në sigurimin e letrave për bashkinë.
Edhe pse KQZ ka njoftuar se për këto subjekte do të merren masa të ashpra, deri tani asgjë nuk ka ndodhur.
Pushteti lokal dhe qendrore kanë hapur thesin duke përdorur taksat dhe paratë e qytetarëve për të blerë dhe manipuluar votat në vend.
