Kremlini mbrojti të mërkurën vendimin e tij për vendosjen e armëve bërthamore taktike në Bjellorusi, duke hedhur poshtë kritikat për masën e Sekretarit të Përgjithshëm të NATO-s, Jens Stoltenberg.
Zëdhënësi i Kremlinit, Dmitry Peskov, u tha gazetarëve se aleanca transatlantike e udhëhequr nga SHBA ishte ajo që zgjerohej drejt Rusisë, jo anasjelltas, dhe për këtë arsye Moska duhej të merrte hapa për të mbrojtur sigurinë e saj, shkruajnë mediat e huaja.
“Është NATO ajo që po zgjerohet drejt Rusisë, jo Rusia që po e çon infrastrukturën e saj ushtarake drejt kufijve të NATO-s”, tha Peskov të enjten, kur iu kërkua t'i përgjigjet vërejtjeve të Stoltenberg.
Stoltenberg tha të mërkurën se masa e Rusisë përgënjeshtroi një deklaratë të përbashkët ruso-kineze që thoshte se vendet nuk duhet të vendosin armë bërthamore jashtë kufijve të tyre.
