Filmi i shumëpritur "Barbie" me Margot Robbie dhe Ryan Gosling publikoi një trailer të ri si dhe disa postera në Twitter që shfaqin kastin. “Njihuni me Barbiet dhe Kenët tanë”, thuhet në një postim në Twitter nga llogaria zyrtare e filmit. Tweet-i tregon Margot Robbie, Kate McKinnon, Nicola Coughlan, Alexandra Shipp, Ritu Arya, Hari Nef dhe disa aktorë të tjerë në versione të ndryshme të Barbie.
Disa versione të Ken - të cilat luhen nga Ryan Gosling, Scott Evans, Simu Liu dhe Ncuti Gatwa - janë prezantuar gjithashtu në tweet. Michael Cera portretizon Allan, mikun e Kenit. Kasti përfshin gjithashtu personazhe njerëzorë si Will Ferrell si CEO i Mattel dhe madje edhe Helen Mirren si transmetuese e filmit.
Krahas posterave të personazheve, traileri tregon "Barbie" dhe Ken duke u larguar nga Barbieland për në botën reale.Në dhjetor 2022, filmi publikoi trailerin e tij të parë me Mirren duke treguar se si kukullat Barbie ndryshuan botën. Filmi i Gerwig, i cili u njoftua në prill 2014, e ka mbajtur të fshehtë skenën e filmit, por Gosling dhe Robbie i dhanë fansave një vështrim të vogël në veshjet e tyre vitin e kaluar, kur ata po xhironin në Venice Beach, Kaliforni./Lapsi.al
