Një punëtor shqiptar pësoi lëndime të rënda pas një aksidenti në një kantier ndërtimi në Kerċem, Gozo. Ngjarja ndodhi sot rreth orës 11:45 dhe një zëdhënës i policisë tha se punëtori 44-vjeçar, u godit nga një pompë që përdorej për punimet e betonit teksa po shtronte beton në një çati.
Hetimet po kryhen nga policia dhe Autoriteti i Shëndetit dhe Sigurisë në Punë. Raportohet se 44-vjeçari ndodhet në spital nën kujdesin e mjekëve, ndërsa policia po kryen hetimet për zbardhjen e rrethanave të ngjarjes.
