Policia belge dhe gjermane bastisën selinë në Bruksel të Partisë Popullore Konservatore Evropiane, grupi më i madh në Parlamentin Evropian.
Sipas mediave të huaja, lajmin e ka bërë të ditur vetë EPP përmes një deklarate.
Kërkimi i policisë “është i lidhur me një hetim në vazhdim në Turingia, Gjermani”, thuhet në deklaratë.
“Partia po bashkëpunon me autoritetet e përfshira për transparencë të plotë, duke ofruar të gjithë informacionin dhe dokumentacionin përkatës”, thuhej në njoftim.
Gazeta gjermane Mitteldeutscher Rundfunk raportoi se bastisja lidhet me Mario Voigt, liderin e Kristian Demokratëve të qendrës së djathtë të Gjermanisë, në grupin parlamentar të shtetit të Turingisë dhe përfshirjen e tij në fushatën zgjedhore të EPP-së 2019.
Ligjvënësi vendas i CDU-së u rekrutua për të mbështetur fushatën dixhitale të EPP-së në vitin 2019. Sipas raportimeve, grupi më pas i dha një kontratë një agjencie interneti me bazë në shtetin e origjinës së Voigt-it në Thuringia, nga e cila ai dyshohet se ka marrë para më vonë.
Voigt ka qenë nën hetim nga oficerët gjermanë kundër korrupsionit që nga shtatori 2022, me dyshimin për ryshfet në marrëdhënie biznesi.
Një zyrtar i PPE tha se kjo është një “çështje midis një kontraktori që ka punuar për EPP gjatë fushatës së 2019 dhe një prej nënkontraktorëve të tij në Gjermani”.
Dega e CDU e Parlamentit Turingian nuk pranoi të komentojë mbi hetimin. Ndërkohë zyra e zonës zgjedhore të Voigt nuk ishte e disponueshme për koment.
Kujtojmë se ky është një grupim i partive të qendrës së djathtë, ku bën pjesë edhe PD.
