Shakira ka ndarë së fundmi me fansat se do të zhvendoset bashkë me fëmijët e saj në Miami. Përmes rrjetit të saj social, artistja ka postuar një mesazh ku ka falenderuar të gjithë për mbështetjen e tyre.
“U vendosa në Barcelonë për t’u dhënë stabilitet fëmijëve të mi, të njëjtin stabilitet që ne kërkojmë në një cep tjetër të tokës përkrah miqve, familjes dhe detit”, ka publikuar ajo. Sot, ne fillojmë një kapitull të ri në kërkimin e lumturisë. Faleminderit të gjithëve që shfletuan valët me mua në Barcelonë, vendi ku mësova se miqësia është më e gjatë se dashuria”. Faleminderit të gjithëve që më inkurajuan atje, më hoqën lotët, më frymëzuan dhe më bënë të rritem. Dua të falënderoj publikun tim spanjoll që më mbuloi me ngrohtësinë dhe besnikërinë e tyre. Do të shihemi së shpejti, dhe siç thoshte babai im, shihemi në kurbet", përfundoi artistja.
Disa burime pranë saj kanë treguar se vendimi nuk ka qenë i çuditshëm, pasi ajo ka kërkuar një ndryshim prej pak kohësh, por ka qëndruar në Barcelonë për shkak të familjes dhe fëmijëve të saj, megjithatë të gjithë janë të emocionuar për të nisur një aventurë të re në Miami. Shakira postoi gjithashtu njënjë foto të dritares së avionit dhe mbishkrimin e fotos "Por gjërat nuk janë gjithmonë ashtu siç i kemi ëndërruar. Ndonjëherë vrapojmë por nuk arrijmë kurrë atje. Mos dyshoni se unë do të jem gjithmonë këtu"./Lapsi.al
