Detaje të reja nga ngjarja e rëndë që u regjistrua pak pas mesnate, ku u qëllua me breshëri kallashnikovi në drejtim të Top Channel, janë zbardhur. Për pasojë, u vra roja e sigurisë Pal Kola, i cili ndërroi jetë rrugës për spital. Dyshohet se janë 3 persona që kanë marrë në sulm. Një prej tyre ka qenë ai që ka qëlluar me breshëri kallashnikovi.
Më pas autorët janë larguar drejt Durrësit ku kanë djegur automjetin tip “Range Rover” në Golem, Kavajë. Brenda mjetit policia ka gjetur dy armë zjarri tip kallashnikov. Sipas hetimeve, në vendin e ngjarjes janë gjetur mbi 26 gëzhoja. Policia ka sekuestruar pamjet e kamerave të sigurisë së objektit, por edhe të bizneseve në autostradë, për të zbuluar lëvizjet e autorëve.
