Pas aludimeve se Zayn Malik dhe Selena Gomez janë duke u takuar me njëri-tjetrin, fansat kanë qenë kurioz lidhur me ndjenjat e Gigi Hadid për këtë situatë.
Një burim i tha së fundmi Us Weekly se Hadid është plotësisht mbështetëse ndaj çiftit të ri. "Gigi nuk ka asnjë problem me Zayn që takohet," tha burimi i brendshëm. "Për sa kohë që ai është i lumtur dhe i qëndrueshëm dhe vazhdon të jetë një baba i mirë me vajzën e tyre Khai, ajo nuk e ka problem nëse ai krijon lidhje." Burimi vazhdoi të thoshte se Gigi nuk ka më ndjenja për Malik, dhe po “argëtohet” duke patur takime me persona të tjerë. Dyshja kanë mbetur bashkëprindër të shkëlqyer dhe duket se kanë një marrëdhënie miqësore.
Entertainment Tonight raportoi se Gomez dhe Malik u panë duke puthur" gjatë një takimi në New York City të enjten, më 23 mars. Një person në vendngjarje i tha ET, “Selena dhe Zayn dolën në SoHo në Nju Jork mbrëmë rreth orës 22:30. Ata ecnin të kapur për dore dhe po putheshin. Shumica e stafit të restorantit dhe vizitorëve nuk i vunë re. Dukej sikur ishin rehat së bashku dhe ishte e qartë se ishte një takim.”
Nga ana tjetër Hadid së fundmi ka qenë e lidhur në mënyrë romantike me Leonardo DiCaprio pasi ata u panë duke u shoqëruar në shtator 2022 gjatë Javës së Modës në Nju Jork. Marrëdhënia dukej se u prish gjatë pushimeve pasi Hadid shkoi në shtëpi për të kaluar kohë me Khai dhe DiCaprio u nis për pushime. Por ata janë parë sërish bashkë në shkurt të këtij viti, duke ndezur thashethemet për pajtim./Lapsi.al
