Një aksident i rëndë ndodhi në Tiranë pasditen e kësaj të diele. Ngjarja u shënua në rrugën e Elbasanit në zonën e Saukut, pranë Fakultetit Ekonomikut. Autobusi i linjës së Krrabës përplasi 2 makina dhe më pas u përmbys.
Për këtë shkak 3 persona u lënduan dhe u dërguan me urgjencë në spital. Burimet thonë se të lënduarit janë jashtë rrezikut për jetën. Shoferi i autobusit, i identifikuar si Gentjan Qosja, 42 vjeç është shoqëruar nga policia.
Atij i është bërë menjëherë testi i alkoolit dhe nuk ka rezultuar se ka qenë nën efektin e pijeve alkoolike. Policia thotë se hetimet do të zbulojnë shkakun e aksidentit. Paraprakisht thuhet se autobusi nuk ka pasur shpejtësi të madhe. Dyshohet se shkak mund të jetë bërë një defekt teknik i autobusit. ©LAPSI.al
