Në prag të zgjedhjeve të 14 majit Barometri në Euronews Albania ka pyetur qytetarët e Tiranës në lidhje me punën që ka bërë qeveria dhe opozita në 2021-shin. Ndryshe nga sondazhi i fundit i bërë në Shkurt mendimi pozitiv për punën e që ka bërë qeveria në 2021-in është rritur me 9.9% nga shkurti në mars. Ndërsa mendimi negativ për punën e qeverisë në 2021 është ulur me 7.1% nga shkurti në mars.
Nga ana tjetër edhe mendimi pozitiv për punën e opozitës në 2021 është rritur me 5.4% nga shkurti në mars. Ndërsa mendimi negativ për punën e opozitës në 2021-shin është rritur me 1.5% nga shkurti në mars.
Barometri në Euronews Albania ka pyetur qytetarët e Tiranës se çfarë mendojnë për Partinë Socialiste. Mendimi pozitiv për Partinë Socialiste është rritur nga 47% në shkurt në 59.5% në mars. Ndërsa mendimi negativ për Partinë Socialiste është ulur nga 50.7% në shkurt në 37.2% në mars. Kur i shohim politikisht ata që kanë mendim pozitiv për PS ka një rritje të numrit të socialistëve nga 90.5% që ishin në shkurt në 92% në mars.
Një rritje ka pasur edhe numri i votuesve të PD që kanë mendim pozitiv për PS nga 9.3% që ishte në shkurt në 18.3% në mars. Po ashtu një rritje ka pasur edhe numri i të paidentifikuarve politikisht që kanë mendim pozitiv për PS nga 27.4% që ishte në shkurt në 31% që ishte në mars.
Rritje të mendimit pozitiv ka pasur edhe për kryeministrin Edi Rama nga 47.3% që ishte në shkurt në 59.1% në mars. Ndërsa mendimi negativ ka pësuar një rënie nga 49.7% që ishte në shkurt në 38.3% në mars.
