Lëkundje të tokës janë ndier në orët e para të mëngjesit, në zonën mes Korçës dhe Ersekës. Mësohet se një tërmet me magnitudë 4.3 është regjistruar rreth orës 4 të mëngjesit të sotëm në qytetin grek të Janinës, që ndodhet shumë pranë kufirit me Shqipërinë.
Epiqendra e tërmetit ishte 15 kilometra në veri-veriperëndim të Aetomylitsa. Sipas Institutit Gjeodinamik lëkundjet janë ndjerë edhe në Shqipëri, sidomos në Korçë e Devoll. Sipas raportimeve nga bashkitë e Korçës dhe Ersekës nuk ka dëme materiale.
