Gjyqi për një aksident në vitin 2016 ku përfshihej Gwyneth Paltrow filloi të martën.
Aktorja ishte e pranishme në sallën e gjyqit në Park City, Utah, ndërsa një juri ishte ulur dhe deklaratat hapëse filluan në këtë rast. Terry Sanderson, ka akuzuar Paltrow se është përplasur me të dhe i ka shkaktuar lëndime të rënda ndërsa të dy po bënin ski në një mal të Jutas në shkurt të vitit 2016.
Në dokumentet e gjykatës të paraqitura fillimisht nga Sanderson dhe të marra nga CNN në vitin 2019, Sanderson deklaroi se ndërsa po bënte ski në Deer Valley Resort, Paltrow dyshohet se "ka skijuar jashtë kontrollit ... duke e rrëzuar fort dhe duke i shkaktuar një dëmtim të trurit, dhe katër brinjë të thyera dhe lëndime të tjera të rënda.”
Sanderson gjithashtu pretendon se ajo dhe instruktori i saj i skive u larguan me ski pas incidentit pa i marrë atij kujdes mjekësor. Paltrow ngriti një kundërpadi kundër Sanderson, një optometrist në pension, duke pretenduar se ishte ai që doli jashtë kontrrollit. Sipas kundërpadisë së Gwyneth , ajo “po shijonte skijimin me familjen e saj me pushime në Utah, kur paditësi e rrëzoi dhe e goditi. Ajo u zemërua me paditësin dhe ky i fundit i kërkoi falje.
Sanderson fillimisht kishte paditur Paltrow për 3.1 milion dollarë, por më vonë e ndryshoi ankesën e tij dhe tani po kërkon më shumë se 300,000 dollarë dëmshpërblim, sipas dokumenteve të gjykatës. Aktorja po kërkon 1 dollarë dëmshpërblim, plus tarifat e avokatëve./Lapsi.al
Marrë nga: CNN
