Një aksident i rëndë me një të vdekur dhe tri të plagosur ka ndodhur mëngjesin e së martës në autostradën Fushë Krujë – Milot.
Si pasojë e aksidentit ka humbur jetën Luan Duka, 50 vjeç dhe janë plagosur tri pasagjerët që ndodheshin në makinën e tij. Autovetura tip Benz ka dalë nga rruga gjatë orëve të para të mëngjesit në autostradën Fushë Krujë - Milot dhe është përplasur me mbrojtëset metalike të rrugës.
Si pasojë e aksidentit ka humbur jetën 50-vjeçari Luan Duka si dhe janë plagosur pasagjerët që ndodheshin me të. Të plagosurit janë dërguar në spitalin e Traumës në Tiranë. Shkak i aksidentit duket se ka qënë shpejtësia tej normave.
