Gjatë ditës së sotme në vendin tonë ka mbizotëruar një mot me reshje shiu, por duke nisur nga nesër priten përmirësim të kushteve atmosferike.
Sipas Shërbimit Meterologjik Ushtarak për ditën e mërkurë vendi ynë do të ndikohet nga kushte të qëndrueshme atmosferike.
“Moti parashikohet fillimisht në orët e para të ditës me vranësira e kthjellime. Më pas moti parashikohet i kthjellët në të gjithë territorin përjashtuar vranësirat e pakta kalimtare në relievet malore në lindje.
Era do të fryjë me drejtim verilindje – veriperëndim me shpejtësi mesatare 1-8m/sek, duke bërë që valëzimi në dete të jetë i forcës 1-2 ballë”
Temperaturat parashikohen:
në zona malore 5 deri 16°C
në zona e ulëta 5 deri 24°C
në zona bregdetare 8 deri 23°C
