Disa muaj më parë, në ambjentet e biznesit të deputetit të PD-së, Agron Shehaj u shfaqën patrullat e policisë dhe IKMT-ja që nxorrën jashtë të gjithë punonjësit me pretendimin se godina ku zhvillohej aktiviteti ishte pa leje.
Në fakt, biznesi e ushtronte veprimtarinë në një ambjent me qira dhe nuk kishte asnjë lidhje me procedurat apo dokumentat e punimeve të godinës në fjalë. E gjitha ishte një skemë për të intimiduar deputetin e PD-së, Agron Shehaj që gjatë asaj kohe ishte një nga zërat më të fuqishëm denoncues për shpalljen si investitor strategjik të bashkëshortit të ministres Olta Xhaçka dhe për aferën e portit të Durrësit.
“Disa pronarë biznesesh, aktivistë të shoqërisë civile dhe politikanë akuzuan qeverinë për aplikim selektiv të ligjit për sekuestrimin e pronave për qëllime politike. Në tetor, IKMT dhe Policia e Shtetit Shqiptar mbyllën me forcë ambientet e biznesit të një deputeti të opozitës, duke përmendur shkeljen e kërkesave të ndërtimit dhe zënies së ndërtesave. Deputeti pretendoi se kompania e tij ishte në shënjestër pasi akuzoi vazhdimisht dhe publikisht zyrtarët e qeverisë për korrupsion. Kompania ngriti padi në Gjykatën Administrative të Tiranës duke kërkuar një qëndrim në pritje të shqyrtimit ligjor dhe akses në provat mbështetëse që justifikonin sekuestrimin e hapësirës së zyrës që kishte me qira. Në nëntor bllokimi u hoq”
Bizneset e Shehajt u sulmuan për hir të aktivitetit të tij politik dhe kjo u bë akoma më e qartë pas konfirmimit që i bëri Rama aksioneve të policisë. I vetmi shpjegim që ai dha qe se deputeti e kishte strehuar biznesin në një ndërtim pa leje (statuset këtu poshtë).
https://lapsi.al/2022/10/25/rama-sulmon-biznesin-e-agron-shehajt-si-qendron-e-verteta/
