Orët e para të mëngjesit pritet të jenë në mbizotërimin e vranësirave të shpeshta. Ato do të gjenerojnë reshje të pakta shiu në të gjithë vendin. Më të dukshme reshjet do të jenë pjesërisht në Qendër dhe Jug të Shqipërisë. Ndërsa duke filluar në orët e mesditës dhe në vijim do të kemi përmirësim të dukshëm të kushteve të motit në të gjithë vendin.
Në ultësirën perëndimore do të ketë edhe intervale të gjata me kthjellime. Ndërsa në zonat malore mbeten prezente vranësirat kalimtare. Temperaturat e ajrit do të ulen në mëngjes. Në mesditë do të luhaten nga 0°C deri në 16°C. Era do të fryjë mesatare dhe e fortë me shpejtësi 55 km/h nga drejtimi Verior kryesisht duke sjellë në brigjet detare dallgëzim 4 – 5 ballë.
