Përfaqësuesi i lartë i Bashkimit Evropian për politikë të jashtme dhe sigurinë, Josep Borrell, ka mbërritur në Tiranë. Borell do të realizojë takime intensive me krerët e vendit lidhur me anëtarësimin e Shqipërisë në BE. Gjatë këtyre vizitave, Borrell do të jetë i shoqëruar edhe nga komisionari i Zgjerimit, Oliver Varhelyi
Borrell ka ndarë në Twitter një foto nga sheshi Skënderbej. Ai shkruan se është shumë i gëzuar që ka nisur ditën në Tiranë.
“Gëzohem që e nis ditën time në Tiranë ku do të mbajmë Këshillin e Stabilizim-Asociimit me Kryeministrin Edi Rama, historikisht për herë të parë në Shqipëri. Kjo pasqyron angazhimin e qartë ndaj anëtarësimit të Shqipërisë në BE dhe vlerësimin për orientimin e saj strategjik edhe në politikën e jashtme.”- shkruan Borrell.
