Në Komisionin e Ankimimeve dhe Sanksioneve u hodh shorti për caktimin e relatorit për ankimimin e Partisë Demokratike. Relator i çështjes për ankimimin e Partisë Demokratike u caktua Koli Bele.
Ditën e djeshme, kryekomisioneri Ilirjan Celibashi vendosi përfundimisht që PD të mos futet në zgjedhje. Kjo pasi nuk ka plotësuar dokumentacionin e nevojshëm. Pas vendimit të KQZ për mosregjistrim, përfaqësuesi ligjor i PD, Indrit Sefa ankimoi vendimin në Komisionin e Ankesave dhe Sanksioneve (KAS). Nëse KAS lë në fuqi vendimin e Celibashit, PD ka të drejtë që brenda 5 ditëve t’i drejtohet Kolegjit Zgjedhor.
