Vetëm 2 ditë burg ishte ndëshkimi i autoriteteve greke për 4 efektivët që torturuan dhe dhunuan në mënyrë mizore shqiptarin e dënuar në Selanik. Katër efektivët janë liruar ditën e djeshme pasi kanë kërkuar falje përpara hetuesve.
Shqiptari nga Puka, Saimir Zefi publikoi një videomesazh ku tregoi dhunën mizore të bërë nga 4 policët grekë. Këta të fundit, pas ankesës së të riut shqiptar, u justifikuan se i dënuari e kishte bërë vetë të gjithë ngjarjen. Sipas informacioneve rezultoi se policia i vendosi një helmetë dhe pranga shqiptarit që mos të dukeshin shenjat.
