Agjencia e Mbikëqyrjes Policore në dy muajt e parë të këtij viti ka arrestuar 14 punonjës të policisë. Referuar raportit, një prej tyre u kap në flagrancë. 13 të tjerët për vepra të ndryshme penale, si korrupsion e shpërdorim detyre, të cilat hetime kishin nisur muaj më parë. Nga 13 oficerët e arrestuar me vendim gjykate, për nëntë prej tyre ishte vendosur masa e sigurisë arrest në burg dhe për katër të tjerë arrest në shtëpi.
Ndërsa, gjashtë punonjës policie janë pezulluar nga detyra. Gjatë muajit janar e shkurt, nga Agjencia e Mbikëqyrjes Policore, janë referuar në prokurori 29 punonjës policie për t’u hetuar në prokuroritë përkatëse në të gjithë vendin. Kryesisht ankesat për ta janë bërë nga qytetarët.
