Vdekja e tre të rinjve që udhëtonin me mbi 200 km/orë në unazën lindore dhe që ranë në nënkalim pranë TEG ishte pasojë e shpejtësisë, ekstreme me të cilën e drejtonte mjetin 20-vjeçari Klevis Ruçaj.
Nga pamjet që dolën në media, duket se “Audi” që drejtohej nga 20-vjeçari hyn në rrethrrotullim me shpejtësi skëterrë dhe pasi thyen barrierat anësore bie mbi një automjet tjetër, që lëvizte në autostradë.
Fatkeqësisht, dy vajzat që udhëtonin në Audi, 23-vjeçarja Sikela Përroi dhe 22-vjeçarja Erisilda Abedinil humbën jetën në vend.
Ndërkohë Klevis Ruçaj ndërroi jetë disa orë më pas në spital.
[video width="576" height="1072" mp4="https://cdnimpuls.com/lapsi.al/wp-content/uploads/2023/03/Video-e-klevis-Rucajt-ne-Tik-Tok.mp4"][/video]
Vide më lart tregon shpejtësinë ekstreme me të cilën lëvizte i riu, edhe pse ishte gjobitur nga policia disa herë. Dëshira për të luajtur me jetën nuk kishte ndalur, madje mburrej me të në rrjetet sociale.
Video e publikuar në Tik Tok nga 20-vjeçari, tregon kur ai lëviz me shpejtësi, shoqëruar me diçiturën “Mos u shqetëso kur kam një dorë në timon, shqetësohu kur i kam të dy duart në timon”.
Në video janë bashkuar filmime gjatë ditë dhe gjatë natës, së pari kur Ruçaj lëviz me shpejtësi normale dhe ka vetëm një dorë në timon dhe në të dytën, kur makina fluturon me 271 Km/orë gjatë natës. Të dy duart e drejtuesit të mjetit janë në timon.
Në brendësi të mjetit, kur aty udhëtonin të tre të rinjtë, duhet të ketë qenë e njëjta situatë plot adrenalinë, por kësaj radhe me një fund tragjik.
@klevrucaj #fyp ♬ original sound - ?
Pas aksidentit, ekspertët thanë se makina fluturoi me më shumë se 50 metra duke rënë mbi një mjet tjetër që po udhëtonte drejt Elbasanit. 20-vjeçari kishte marrë patentën rreth një vit më parë dhe ishte gjobitur 5 herë nga policia për përdorimin e celularit, shpejtësi, shkelje të semaforit etj./Lapsi.al
