Kryekomisioneri Qwndror i Zgjedhjeve, Ilirjan Celibashi, nuk ka ndërmend të njohë grupimin e Berishës si PD-në zyrtare. Ai e tha sot hapur, në mbledhjen e KZQ se të drejtën për të kërkuar regjistrimin e PD-së si subjekt zgjedhor e ka Lulzim Basha, pasi ai figuron kryetar i PD në pikëpamje të ligjit. "Edhe sikur unë të mendoj se Berisha është shumicë, ligji më detyron të veproj ndryshe. Eshtë njësoj sikur unë të mendoj se një forcë politike është më e mirë për qeverisjen e vendit, dhe fitoren t'ia jap asaj pavarësisht nga rezultati" tha ai, duke lënë të nënkuptohet qartë se vulën dhe të drejtën e përfaqësimit në zgjedhjet lokale të 14 majit do t'ia japë grupit Basha-Alibeaj.
Lexo më tej:
Estrada e vulës/ Minoranca në PD regjistrohet në KQZ si partia e Bashës
Por ndonëse bëri këtë pohim skandaloz, që tregon qartaz se shumicës së opozitës do t'i hiqet e drejta ligjore e përfaqësimit, Celibashi me anë të proceduarave gjeti një truk për të telendisur edhe më keq binomin Basha-Alibeaj. "PD-ja e tyre" po regjistrohet në zgjedhje duke pasur si kryetar formal atë që është dorëhequr prej një viti dhe duke përdorur një dokument që shumëkush mendon se e kanë falsifikuar. Në këtë dokument, pa numër protokolli, që datohet tre ditë para largimit vullnetar të Bashës ai i ka deleguar tre pasuesve të tij të drejtën për ta përfaqësuar partinë në zgjedhjet lokale të pas një viti.
Pikërisht këtë dokument përdori Komisioneri Shtetëror i Zgjedhjeve, Ilirjan Celibashi për të kamufluar thelbin e vendimit që mori. Duke njohur Bashën si kryetar të PD-së, ai i kërkoi atij të nënshkruajë edhe njëherë një dokument të ri.
“Mendoj që të drejtën për të kërkuar regjistrimin e Partisë Demokratike si subjekt zgjedhor për zgjedhjet e 14 Majit 2023, bazuar në dokumentet zyrtare, e ka zoti Lulzim Basha. Ai figuron kryetar i PD-së në pikëpamje të ligjit. Vijmë te diskutimi tjetër në lidhje me legjitimietin e kësaj kërkese. Nga vlerësimi që i kemi bërë këtij dokumentacioni, do duhej që sipas ligjit, kërkesa të paraqitej nga kryetari i PD-së, zoti Lulzim Basha.
Jorida Tabaku: Basha është e shkuara e PD, duhet parë nga e ardhmja
Në vlerësimin që i kemi bërë dokumentit autorizues të zotit Basha për zotin Indrit Sefa, unë vlerësoj që ky dokumentacion nuk është i plotë me parashikimet e Kodit Zgjedhor. Besoj se është e qartë që dokumentacioni autorizues duhet të jetë në përputhje me parashikimet e nenit 64 të Kodit Zgjedhor. Sipas vlerësimit tim, duhet që akti autorizues të jetë i qartë. Do t’ju jap 48 orë kohë për të bërë plotësimet e kërkuara, domosdoshmërisht për deklaratën e kryetarit të partisë politike”, theksoi ai.
Andi Bushati: Mos qeshni më me këta të vulës
Pra, skenarët e kësaj që shpalli sot Komisioneri Shtetëror i Zgjedhjeve, janë:
1) Grupimit të Berishës nuk i njihet e drejtë e përfaqësimit të PD-së.
2) Që ajo t'i njihet fraksionit të Alibeajt, Lulzim Basha duhet të rikthehet edhe një ditë kryetar PD dhe të firmosë një autorizim të ri.
3) Basha nuk e pranon këtë turpërim publik (që ka pak gjasë të ndodhë) dhe asnjë forcë politike nuk ka të drejtë të mbajë siglën e PD-së.
Versioni më i mundshëm është që Basha të nënshkruajë një autorizim të ri dhe ata që e mbështesin të garojnë si vartësa të tij në 14 maj.
©Lapsi.al
