Senati i Francës votoi të enjten në mëngjes për të rritur moshën e pensionit me dy vjet në 64, ndërsa qeveria po lëviz për të riparuar sistemin e pensioneve të vendit përballë kundërshtimit të fortë nga sindikatat. Qeveria shpreson që ndryshimet e pensioneve të miratohen nga parlamenti deri në fund të muajit.
Por Macron-it i mungon një shumicë e plotë në Asamblenë Kombëtare dhe do t’i duhet të bindë disa dhjetëra ligjvënës konservatorë ose të përdorë fuqitë e tij kushtetuese për të anashkaluar parlamentin. Organi legjislativ i dominuar nga konservatorët votoi në favor të një neni vendimtar për të rritur moshën e daljes në pension me 201 vota pro.
Dhoma e lartë franceze pritet të miratojë nenet e mbetura të projekt-ligjit të reformës më vonë këtë javë. Më pas do t’i dorëzohet një komisioni ndërmjetësimi midis ligjvënësve nga Senati dhe Asambleja Kombëtare, dhoma e ulët e parlamentit, javën e ardhshme. Shumica e Senatit po nxiton të përmbushë një afat të mesnatës së të dielës për të finalizuar legjislacionin. Politikanët liberalë shprehën zemërim pas votimit. “Emri juaj do t’i bashkëngjitet përgjithmonë një reforme që do ta kthejë kohën gati 40 vjet mbrapa”, i tha socialistja Monique Lubin Ministrit të Punës Olivier Dussopt.
Sindikatat që prej muajit janar I bënë presion qeverisë duke organizuar protesta dhe greva. Linjat hekurudhorë, autobusët dhe linjat ajrore ndërprenë punën gjatë ditëve të grevave. Portet kryesore detare u bllokuan gjithashtu, pasi punëtorët e porteve ishin në mesin e atyre që iu bashkuan grevave të vazhdueshme që kërkonin të bindin presidentin Emmanuel Macron të ndryshojë kursin e projektligjit që ai ka mbrojtur.
Macron e ka vënë ndryshimin në qendër të axhendës së tij politike, me qeverinë e tij që argumenton se rritja e moshës së pensionit dhe forcimi i kërkesave për një pension të plotë janë thelbësore për të mbajtur sistemin nga zhytja në deficit.
