Sekretari amerikan i Mbrojtjes, Lloyd Austin udhëtoi sot në Irak, në një vizitë të papritur në Irak, që synon të konfirmojë partneritetin strategjik mes dy vendeve, siç tha ai në një postim në Twitter.
“Duke zbritur në Bagdad. Jam këtu për të riafirmuar partneritetin strategjik midis SHBA-së dhe Irakut ndërsa ne shkojmë drejt një Iraku më të sigurt, më të qëndrueshëm dhe sovran,” shkroi Austin në Twitter.
Vizita vjen pasi afrohet 20 vjetori i pushtimit të Irakut nga SHBA për të rrëzuar Sadam Huseinin. Sipas një zyrtari të lartë amerikan, vizita e shefit të Pentagonit në Irak synon të tregojë se Uashingtoni është i përkushtuar për të ruajtur praninë e tij ushtarake atje, gati 20 vite pas pushtimit të udhëhequr nga SHBA që rrëzoi Sadam Huseinin.
“Ajo që irakianët do të dëgjojnë prej tij është një angazhim për të ruajtur praninë tonë të forcës, por kjo nuk ka të bëjë vetëm me mjetet ushtarake. SHBA në përgjithësi është e interesuar për një partneritet strategjik me qeverinë irakiane,” tha një zyrtar i Departamentit të Mbrojtjes, i cili kërkoi të mos përmendet emri.
Austin, zyrtari më i lartë në administratën e Joe Biden që vizitoi Irakun, ishte komandanti i fundit i forcave amerikane në Irak pas pushtimit të vitit 2003.
Pushtimi i vitit 2003 la dhjetëra mijëra civilë irakianë të vdekur dhe çoi në destabilitet që përfundimisht hapi rrugën për ngritjen e militantëve të Shtetit Islamik pasi SHBA-ja tërhoqi forcat e saj në vitin 2011.
SHBA-të aktualisht ka 2500 trupa në Irak dhe 900 shtesë në Siri për të ndihmuar në këshillimin dhe ndihmën e trupave lokale në luftën kundër militantëve të Shtetit Islamik.
Shteti Islamik i mungon fuqia që kishte dikur, por bërthamat e luftëtarëve që shpesh veprojnë në mënyrë të pavarur kanë mbijetuar në pjesë të Irakut verior dhe Sirisë verilindore.
Kjo vizitë synon gjithashtu të mbështesë kryeministrin irakian Mohammed Al Sudani kundër ndikimit iranian në vend.
“Unë besoj se liderët irakianë ndajnë interesin tonë për të mos e kthyer Irakun në një arenë konflikti midis SHBA-së dhe Iranit,” shtoi zyrtari i Departamentit të Mbrojtjes së SHBA në një deklaratë për Reuters.
Austin do të takohet me Sudanin, si dhe me presidentin e Kurdistanit irakian, Nesirëan Barzani, mes një mosmarrëveshjeje të gjatë mbi transfertat e kredisë dhe ndarjen e të ardhurave nga nafta midis qeverisë kombëtare dhe asaj kurde.
