Policia italiane ka ndaluar një qytetar shqiptar, shofer furgoni me 220 kg kokainë e cilësisë së pastër në autostradën A4 në territorin e Veronës.
36-vjeçari shqiptar dhe është vënë në pranga për trafik lëndësh narktotike.
Kokaina e sekuestruar, sipas autoriteteve italiane, do të sillte një fitim rreth 15 milionë euro.
Ka qenë shpejtësia e lartë me të cilën po udhëtonte shqiptari që ka shtyrë Financën italiane të kryejë menjëherë verifikimin e targës dhe zbardhjen e një sinjalizimi të hershëm për trafik droge.
Menjëherë ka nisur operacioni i ndalimit të automjetit dhe që u arrit në afërsi të daljes së autostradës së Veronës.
Pas kontrollit, në brendësi të furgonit u gjetën 220 kg kokainë e ndarë në 200 pako.
Analizimi i kokainës ka konfirmuar cilësinë mjaft të pastër të saj e që do të sillte në treg një vlerë fitimi rreth 15 milionë euro.
“Kjo është kjo sasia më e madhe e kokainës e kapur deri më sot në territorin veronez”, informon Guardia di Finanza Italiane.
36-vjeçari shqiptar është vënë nën arrest me burg nën urdhërin e Prokurorisë së Veronës e ndodhet në dispozicion të autoriteteve gjyqësore.
Ai është dërguar në burgun e Montorio-s nën akuzën e trafikut të lëndëve narkotike.
