Kryetai i Partisë Demokratike, Sali Berisha është duke u angazhuar për një zgjidhje për t’u regjistruar në zgjedhjet e 14 majit. Duke qenë se Apeli vendosi që t’ia lërë vulën në dorë Enkelejd Alibeajt, Kryesia diskutoi mbi opsionet se si do të regjistrohet në këto zgjedhje. Sot në orën 18.00 Berisha do të mbledhë grupin e tij parlamentar.
Ndërkohë që afati i fundit për t’u regjistruar në KQZ është 6 marsi. Kujtojmë se ditën e djeshme, Gjykata e Apelit zhbëri vendimin e gjyqtarit Agron Zhukri. Ata e kthyen çështjen e vulës së PD për rigjykim në Shkallën e Parë. Sa i takon këtin vendimi, Berisha tha se do të cojë për rekurs në Gjykatën e Lartë vendimin e Apelit. Për gjyqtarin Sokol Sadushi, të cilin e ka akuzuar shpesh si të marrë peng nga Edi Rama, thotë se do të kërkojnë përjashtimin e tij nga gjykimi.
