Gjykata e Durrësit ka caktuar masën e sigurisë për kapitenin e anijes ruse që u kap me 22 500 tonë naftë kontrabandë në portin e Durrësit. Gjykata la në fuqi kërkesën e prokurorit të çështjes. Nga ana tjetër avokati i Smaznov, Artjon Beqiraj ka kërkuar masë më të lehtë sigurie të ‘arrestit të shtëpisë’. Gjatë fjalës së tij, avokati tha se nuk ka asnjë indicie që kapiteni të jetë përfshirë në kontrabandë.
Anija cisternë me flamur liberian u bllokua rreth 6 milje larg portit të Durrësit. Brenda anijes "Grace Felix" u gjet 22.500 tonë naftë kontrabandë në bordin e saj. Dyshimet ishin se nafta ishte ngarkuar në Azerbajxhan me naftë ruse dhe se përmes dokumentave false do të futej në Shqipërisë.
