Kryeministri Edi Rama ka sqaruar deklaratat e tij në Parlament një ditë më parë ku në opinionin publik u perceptua se kreu i qeverisë paralajmëroi se SHBA do të shpallte një tjetër politikan “non-grata”.
Në një postim në Twitter, Rama shtoi se ai u ka kujtuar deputetëve të opozitës se politika amerikane nuk është “muhabet leku, gjize dhe byreku”.
Sipas kreut të qeverisë, marrëdhëniet SHBA-Shqipëri bazohen në qasje strategjike që “nuk ndryshon nga retë në pantallonat e gjelave të katundit tonë politik”.
Postimi i Edi Ramës në Twitter:
Nuk kam paralajmëruar asnjë nongrata! Thjesht kam kujtuar se politika e amerikane nuk është muhabet leku, gjize dhe byreku siç e bëjnë nongratat e Tiranës, po qasje strategjike që as varet as ndryshon nga retë në pantallonat e gjelave të katundit tonë politik! Normal që vazhdon.
