Kreu i Partisë Demokratikem Sali Berisha ka marrë fjalën e tij në Kuvend dhe ka thënë se kryeministri Edi Rama është i frikësuar, për çështjen McGonigal. Kryedemokrati theksoi se ka kryer krime të shëmtuara kombëtare dhe ndërkombëtare. Gjithashtu ai ka ironizuar kryeministrin për faktin se është ulur mes grupit parlamentar duke lënë karrigen e tij.
“Zotëri, zonja drejtuese e seancës, që në fillim më duhet të theksoj se skena e këtij parlamenti sot është më e veçanta në tërë historinë e tij. Aty ku është karrigia e kryeministrit, aty qëndron sot Charles McGonigal. Kurse ai që duhet të ishte aty, është ilizuiv. I ka hyrë lepuri në bark dhe ka frikë të tmerrshme nga ajo që i ka bërë vetes së tij. Atë se zë vendi i vetë, se ka kryer krime të shëmtuara, kombëtare dhe ndërkombëtare. Ai bëri mirë që nuk doli aty, se nuk ka si të paraqitet para shqiptareve me krimin e shëmtuar trans-atlantik. Ai sot, mirë është të sillni një barrelë këtu, sepse i ka rënë fuqia te këmbët.
Jam këtu për një seri pyetjesh. Janë 13, por dua që të jenë 130, të cilat duhet t’u përgjigjeni, Komisioni hetimor parlamentar. Pa marrë këto pyetje, Shqipëria do ketë kaos dhe vetëm kaos, i cili ka ulur në vendin e vetë tradhtarin e kombit amerikan.”, tha Berisha.
Ndërkohë teksa Berisha po fliste në foltore dhe është shprehur “stop manipulimit të marrëdhënieve të Shqipërisë me SHBA”, Rama dhe deputetët socialistë, kanë shpërthyer në të qeshura.
