Dy vëllezër janë arrestuar nga policia e Korçës për transport të emigrantëve të paligjshëm. Mësohet se në pranga kanë rënë Enea Prendi, 33 vjeç dhe Aleksandër Prendi, 45 vjeç. 33-vjeçari u arrestua teksa po transportonte me makinë 13 emigrantë. Për më shumë pas kryerjes së testit të alkoolit, ai rezultoi se ishte i dehur.
Policia ka arrestuar edhe të vëllanë që e shoqëronte me një automjet tjetër. Nga hetimet e kryera, rezultoi se vëllai i 33-vjeçarit, Aleksandër Prendi shoqëronte me automjetin tip “BMW”, automjetin që transportonte emigrantët për ta sinjalizuar atë për prezencë të shërbimeve të policisë në rrugë.
