Keke Palmer ka mirëpritur fëmijën e saj të parë me partnerin Darius Jackson.
Aktorja lindi një djalë, të cilin e kanë quajtur Leodis Andrellton Jackson më 25 shkurt. Përmes rrjetit social,Instagram aktorja zbuloi lajmin duke ndarë një paraqitje të shkurtër të jetës së saj dhe të Jackson si prindër për herë të parë.
Fansat u takuan për herë të parë me një foto të çiftit pas "vetëm 48 orësh që ishin prindër", si dhe me videon e të dyve duke kënduar "Someone" nga El Debarge. “Ne u bëmë dikush i njëri-tjetrit dhe bëmë dikë” shpjegoi Palmer në postimin e saj. Aktorja ndau gjithashtu foto intime të tyre duke mbajtur djalin e tyre, si dhe foto të vogëlushit Leo. “Unë nuk po e fsheh botën nga djali im, po e fsheh djalin tim nga bota”, shkroi ajo.
Palmer, konfirmoi thashethemet e shtatzënisë gjatë monologut të saj "Saturday Night Live" në dhjetor. "Unë jam shtatzënë," tregoi Keke duke u shprehur se sa "përtej bekuar" ndihej që po krijonte familje."Jam shumë e emocionuar, djema," shtoi ajo. "Unë do të bëhem nënë!" Edhe pse cifti kryesisht e mbajnë marrëdhënien e tyre larg syrit të publikut, instruktori i fitnesit bëri të ditur datën e lindjes së të dashurës së tij.“2023,” shkroi ai në fotot e barkut nëpërmjet Instagram Stories në atë kohë./Lapsi.al
