Gjykata e Posaçme kundër Korrupsionit dhe Krimit të Organizuar ka kaluar për gjykim dosjen e 7 të pandehurve që akuzohen për trafik mjetesh. Ndër të akuzuarit janë edhe tre punonjës policie: Vojsava Doda, Endi Ahmetaj, Ftari Braha.
Mësohet se kreu i këtij grupi trafikimi mjetesh Shqipëri-Kosovë ishte Selaudin Shahini. Përmes lidhjeve farefisnore në Kosovë, ai kishte krijuar një linjë trafiku me 6 persona të tjerë. Ata fusnin makina të vjedhura në Shqipëri. Të arrestuar janë edhe Ndriçim Shahini (kushëriri i Selaudinit), Ervis Cara (kushëri i Ndricimit); Aurel Shatri (shok i Ervisit); Vojsava Doda (Punonjëse e Policisë – Lidhje e Selaudinit); Endi Ahmetaj (Punonjës i Policisë – Lidhje e Selaudinit) dhe Fatri Braha (Punonjës i Policisë).
Të 7 të pandehurit ndihmonin njëri-tjetrin për të transportuar makinat e vjedhura nga pika kufitare e Morinës.
