Një 49-vjeçar francez është gjetur i pajetë në një bujtinë në fshatin Gjerbës në Skrapar. Shtetasi francez mësohet se ishte akomoduar në këtë bujtinë si turist. Policia po punon për zbardhjen e shkakut të humbjes së jetës së turistit francez.
"Rreth orës 19:30, shtetasi M.L. njofton se në bujtinën e tij në fshatin Gjerbës, Skrapar, ka gjetur pa shenja jete shtetasin francez C.F, 49 vjeç, i cili kishte disa ditë që ishte akomoduar në këtë bujtinë.
Nga këqyrja paraprake në trupin e viktimës nuk janë konstatuar shenja dhune. Grupi hetimor po punon për zbardhjen e shkakut të humbjes së jetës së 49-vjeçarit" - thuhet në njoftimin e policisë së Skraparit. /LAPSI.al
