Përfaqësuesit në Këshillin e Sigurimit në OKB mbajtën një minutë heshtje gjatë mbledhjes së sotme në kujtim të viktimave në Ukrainë.
Këtë kërkesë e bëri Ministri i Jashtëm i Ukrainës, Dmytro Kuleba, i cili gjithashtu akuzoi Rusinë për gjenocid në vendin tij.
Por heshtja u ndërpre nga i dërguari i Rusisë në OKB, i cili këmbënguli që ky nderim të bëhej për të gjithë personat që kanë humbur jetën në konfliktin që prej vitit 2014, duke përfshirë edhe ushtarët rusë.
“Të gjitha jetët janë të paçmueshme,” tha i dërguari i Rusisë në OKB, Vasily Nebenzya.
Kuleba propozoi një minutë heshtje për të nderuar ‘viktimat e agresionit’ gjatë seancës së së premtes – për të shënuar njëvjetorin e pushtimit të Vladimir Putin.
Por ndërsa ai dhe anëtarët e tjerë të asamblesë u ngritën në këmbë, ambasadori rus filloi t’i binte mikrofonit. Ndërsa të dërguarit e tronditur shikonin, ai më pas këmbënguli: “Ne po ngrihemi në këmbë për të nderuar të gjithë viktimat e asaj që ka ndodhur në Ukrainë, duke filluar nga viti 2014”.
Moska ka akuzuar Kievin për kryerjen e gjenocidit kundër rusishtfolësve në rajonin lindor të Donbasit të Ukrainës, ku ka pasur luftime midis forcave të Ukrainës dhe separatistëve rusë që nga viti 2014.
