Meqenëse u bë e ditur se Gerard Pique ishte i lidhur romantikisht me Clara Chia, të dy kanë qenë në qendër të vëmendjes së mediave. Fillimisht kanë folur se si dhe kur janë njohur, ndërsa dashurinë e tyre pak nga pak e kanë shfaqur publikisht. Por më pas erdhi kënga e Shakirës me Bizarrap, e cila i ktheu të dy në qendër të vëmendjes.
Dhe pikërisht kur u duk se ujërat ishin qetësuar, Pique dhe Clara Chia janë kthyer sërish në lajme. Një video është ngarkuar në TikTok në të cilën ish-lojtari dhe e dashura e tij dyshohet se janë dëbuar nga një restorant japonez në Barcelonë. Sipas burimeve, pronari ishte një fans i Shakirës dhe kur ata hyrën në restorant, kamerieri nuk pranoi t'i shërbente. Në video Clara shihet e mërzitur para se të hipte në makinë ndërsa Pique qëndron pas saj.
Gerard dhe Shakira njoftuan ndarjen e tyre vitin e kaluar pas 11 vitesh së bashku. Artistja e përshkroi ndarjen si “tepër të vështirë” në një intervistë për Elle të tetorit 2022. “Është e vështirë të flasësh për këtë. Jam në sy të publikut. Ndarja jonë nuk është si një ndarje e rregullt,” tha ajo. Në ditën e Vitit të Ri, ajo shkroi në anglisht dhe spanjisht; “Edhe nëse dikush na ka tradhtuar, ne duhet të vazhdojmë t’u besojmë të tjerëve.”/Lapsi.al
