Tërmete me magnitudë 6.3 dhe 5.8 kanë lëkundur rajonin kufitar të Turqisë dhe Sirisë, duke sjellë rreth 200 persona u plagosën. Ditën e djeshme një tërmet me magnitudë 6.3 ka goditur rajonin kufitar Turqi-Siri. Ky tërmet ka vrarë të paktën pesë persona. Ai erdhi dy javë pasi zona u shkatërrua nga tërmetet që vranë më shumë se 47,000 njerëz.
Tërmeti i së hënës goditi qytetin Defne në provincën Hatay dhe u ndje fuqishëm në kryeqytetin e provincës, Antakya, si dhe në provincën Adana. Agjencia turke e menaxhimit të fatkeqësive tha se një tërmet me magnitudë 5.8 ballë pasoi tre minuta më vonë.
Ministri i Brendshëm i Turqisë, Suleyman Soylu, tha se pesë persona u vranë. Po ashtu, më shumë se 200 të tjerë u plagosën.
Agjencia shtetërore e lajmeve të Turqisë, Anadolu tha se lëkundjet u ndjenë në Siri, Liban, Jordani, Izrael dhe Egjipt. Agjencia shtetërore e lajmeve e Sirisë, SANA, raportoi se gjashtë persona u plagosën në Aleppo nga rënia e mbeturinave. Ndërsa kryebashkiaku i Hatay tha se një numër ndërtesash ishin shembur, duke bllokuar njerëzit brenda.
Agjencia e menaxhimit të fatkeqësive u bëri thirrje njerëzve në provincën Hatay, në lindje të Detit Mesdhe, të qëndrojnë larg bregut. Ai paralajmëroi se tërmetet mund të shkaktojnë një rritje të nivelit të detit me 50 cm.
