Një 38-vjeçar ka rënë në pranga, pasi akuzohet se ka ndezur zjarr në vendin e quajtur “Kepi i djepzave”. Flakët u përhapën duke djegur një sipërfaqe të madhe toke dhe duke shkaktuar panik tek banorët në Klos. 38-vjeçari është vënë në pranga për veprën penale, “Shkatërrim prone me zjarr”.
Mësohet se pas hekurave përfundoi Agim Xhiherri.
NJOFTIMI I POLICISE:
Në vijim të punës për identifikimin dhe vënien përpara përgjegjësisë ligjore të autorëve të zjarrvënieve të qëllimshme apo nga pakujdesia, specialistët për Hetimin e Krimeve në Postën e Policisë Klos arrestuan në flagrancë shtetasin A. Xh., 38 vjeç. Ky shtetas dyshohet se ka ndezur zjarr në vendin e quajtur “Kepi i djepzave”, bashkia Klos, dhe si pasojë e përhapjes së flakëve është shkaktuar panik tek banorët dhe janë djegur sipërfaqe toke me shkurre dhe barishte.
Materialet i kaluan Prokurorisë, për veprime të mëtejshme.
