Gjykata e Vlorës ka lënë me masën ‘detyrim paraqitje’ Elidon Çelën. Ky i fundit u arrestua pak ditë më parë nga policia e Vlorës, pasi u kap me mallra kontrabandë, si pesticide dhe ilaçe. 32-vjeçari u ndalua në pikën kufitare të Vlorës pas një operacioni të kryer në bashkëpunim mes doganës dhe policisë.
Më herët Çela ishte arrestuar në tetor të vitit të kaluar në Portin e Durrësit. Atij iu gjetën mbi 500 mijë euro të fshehura në autobus. Gjykata e Durrësit e liroi me ‘detyrim paraqitje’. Ndërkohë po për shkak të hetimit shuma prej 516 mijë eurosh ka qëndruar e sekuestruar. Pasditen e 21 tetorit, u sekuestruan 522 mijë euro të fshehura në një autobus në zonën e kondicionerit.
