Kryetari i Partisë së Lirisë Ilir Meta ka reaguar pas denoncimit në media për sumin e katërt të Policisë së Shtetit në biznesin e deputetit të PD-së Agron Shehaj.
Lexo më tej: Agron Shehaj publikon VIDEO-n: Policia e Ramës sulmon bizneset e mia për herë të katërt
Në postimin e tij në Facebook, Meta i ka bërë thirrje kryeministrit Edi Rama të heqë dorë urgjentisht nga sulmet e paligjshme ndaj bizneseve të ndershme.
"Ndërkohë që shpall ministrat e tij si "investitorë strategjikë" dhe u fal gjobat e taksat e shqiptarëve oligarkëve dhe klientëve të tij, për herë të katërt, pa asnjë urdhër dhe pa vendim gjykate, falangat e Policisë së "Rilindjes" terrorizojnë bizneset e deputetit të PD, Agron Shehaj me qëllim për të intimiduar dhe shantazhuar një zë kurajoz të opozitës", shkruan Meta.
Reagimi i kryetarit të Partisë së Lirisë:
Sulmet politike dhe terrori policesk i Edi Ramës kundër bizneseve të ndershme, të identifikuara nga patronazhistët si mbështetëse të opozitës janë një tjetër dëshmi e arbitraritetit dhe paligjshmërisë të bandës së "Rilindjes".
Ndërkohë që shpall ministrat e tij si "investitorë strategjikë" dhe u fal gjobat e taksat e shqiptarëve oligarkëve dhe klientëve të tij, për herë të katërt, pa asnjë urdhër dhe pa vendim gjykate, falangat e Policisë së "Rilindjes" terrorizojnë bizneset e deputetit të PD, Agron Shehaj me qëllim për të intimiduar dhe shantazhuar një zë kurajoz të opozitës.
Duke dënuar me forcë këtë sjellje arbitrare të përsëritur, i bëjmë thirrje Edi Ramës të heqë dorë urgjentisht nga sulmet e paligjshme ndaj bizneseve të ndershme.
Të vendosur në betejën për mbrojtjen e interesit qytetar, të bizneseve të ndershme dhe shporrjen me çdo çmim të këtij regjimi mafioz! ✌️??
