Dosja ‘McGonigal’ për Lulzim Bashën tregon edhe një herë se si segmente të politikës shqiptare paguajnë për të përbaltur kundërshtarin politik për të çimentuar pushtetin e tyre politik, duke iu bashkuar akuzave të opozitës drejt Kryeministrit Rama. Basha foli në Report Tv sot në prej intervistave të rralla televizive që prej largimit nga PD për çështjen e cila po 'mban peng' aktualitetin politik në vend. Intervista në Report Tv është ndoshta e para që Basha jep për këtë media. Kujtojmë që kur drejtonte PD-në, ai e cilësonte këtë televizion si ERTV 2. Sot me sa duket ka ndryshuar qasje dhe zgjodhi të fliste për median e Carlo Bolinos. Më poshtë qëndrimi i tij për cështjen Mc Gonigal.
“Kjo është një pikë e sqaruar. Njësoj si në rastin ‘McGonigal’ balta e hedhur ndaj meje ka pasur vetëm një funksion: çimentimin e një pushteti që kurrë nuk e ka pasur interesin kombëtar dhe interesin publik si gjëja më e çmuar për t’u mbrojtur por përkundrazi është treguar i gatshëm të përbaltë kundërshtarët politikë interesat e veta personale. Kjo është një shpifje i bashkohet shpifjeve që bota mbarë i ka marrë vesh se janë paguar për qëllime të ngushta politike vetë protagonistët e ngjarjeve i kanë hedhur poshtë”, tha Basha.
