Një 32-vjeçar është arrestuar në Lezhë. Ai ka rënë në pranga pasi ishte shpallur në kërkim si autor i 3 vjedhjeve. Blutë zbulojnë se bëhet fjalë për Eduard Lleshin.
Gjatë kontrollit në banesën e tij, policia gjeti dhe sekuestroi 1 armë zjarri kallashnikov. Po ashtu aty u gjetën edhe 2 krehra arme dhe 155 fishekë luftarak. Dyshohet se 32-vjeçari është autor i vjedhjeve të materialeve, në 3 banesa në fshatra të ndryshme të Lezhës. Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme.
