Një grup të rinjsh të Forumit Rinor të Partisë Demokratike janë mbledhur para Tv Klan mbrëmjen e së enjtes. Shkak është bërë mbërritja e Ramës për një intervistë në emisionin “Opinion”.
Të rinjtë thanë se nuk do t’i ndahen kryeministrit kudo që ai të jetë. Rama zgjodhi një derë tjetër për të hyrë në TV Klan dhe të rinjtë e akuzuan se sërish kreu i qeverisë iu shmang përballjes me qytetarët.
Pranë tyre janë grumbulluar forca të shumta të policisë të cilat u kanë kërkuar të largohen. Pasi dështuan të përballen me Ramën, të rinjtë u larguan paqësisht. ©LAPSI.al
