Në kushte jo të zakonta ka nisur seanca e sotme parlamentare. Kjo pasi jashtë këtij institucioni po mbahet paralelisht protesta e opozitës. 12 deputetë të Partisë Demokratike mungojnë në seancë, pasi janë përjashtuar për shkak të debateve të shkaktuara në seancat e kaluara.
Ndërkohë në rendin e ditës është parashikuar të shqyrtohet kërkesa për shkarkimin e Lindita Nikollës si kryetare Kuvendi. Për këtë arsye seanca do të drejtohet nga Ermonela Felaj. Mazhoranca e bëri të qartë se do ta refuzojë kërkesën e demokratëve. Sipas socialistëve Nikolla e ka zbatuar me korrektësi rregulloren. Ata argumentojë se Kuvendi ishte në situatë të jashtëzakonshme e kësisoj seanca nuk mund të vijonte normalisht dhe duhej kaluar menjëherë në votim.
