Një 30-vjeçar është arrestuar nga policia e Vlorës nën akuzën e pjesëmarrjes në grup kriminal. Mësohet se në pranga ka përfunduar Xhuljano Hajrulla. Bëhet me dije se i riu është pjesëtar i një grupi kriminal në fushën e narkotikëve në Spanjë. Hajrulla ishte në kërkim për veprat penale “Trafik narkotikësh”, “Grup kriminal” dhe “Mashtrim në fushën e energjitikës”, parashikuar nga legjislacioni penal spanjoll.
Grupi ku bënte pjesë 30-vjeçari ka përdorur shtëpi dhe ndërtesa industriale për kultivimin e bimëve narkotike. Hajrulla dyshohet si personi që merrej me transportimin e materialeve dhe kultivimin e plantacioneve. Në total, ky grup kriminal llogaritet se ka vjedhur vazhdimisht energji elektrike, duke i shkaktuar një dëm të madh financiar shtetit spanjoll.
