Policia ka rrethuar parlamentin para nisjes së protestës së opozitës, që ka thirrur një tubim jashtë kuvendit. Protesta vjen pas refuzimit të Ramës për t'ju përgjigjur interpelancës së opozitës në lidhje me çështjen "McGonigal". Në seancën e kaluar disa deputetë të opozitës u përjashtuan nga mazhoranca.
Kryeministri Rama nuk pritet të jetë në seancën e sotme, pasi në orën 17:00 ka planifikuar një takim me kryeministrin e Bavarisë.
Gjatw mbledhjes me grupin parlamentar, kreu i PD, Sali Berisha u shpreh: "Sot është thirrur një protestë tek parlamenti, zëri ynë do të jetë brenda parlamentit, jashtë parlamentit. Nuk kemi asnjë qëllim përveç se një thirrje për çdo qytetar shqiptar, një apel, kushtrim se në këtë parlament sot nuk respektohet asnjë e drejtë e opozitës. Se ky parlament bën gjithçka që opozita ta bojkotojë atë, por opozita nuk e bojkoton parlamentin, do të bëjë gjithçka për të mbrojtur interesat e qytetarëve dhe atyre që e kanë votuar"
Deputetët socialistë kanë pasur porosi të hyjnë në sallën e kuvendit para orës 16:30 për të shmangur incidentet me simpatizantët e opozitës. Video live më poshtë:
https://www.youtube.com/watch?v=jYauR6p6gy0
