Pas shpërthimit me tritol të hotelit “Bizant”-i në Sarandë policia ka nisur shoqërimet e para. Ndër personat e shoqëruar është edhe djali i një prej pronarëve Spiro Çabiri. Këtij të fundit autoritetet i kanë bllokuar edhe makinën. Ndërkohë të tjerë shtetas të arrestuar janë familjarë të ortakut të Çabirit, Dhimitër Evangjeliu, me të cilin është në gjyq prej vitit 2002 për pronësinë e hotelit.
[video width="848" height="480" mp4="https://cdnimpuls.com/lapsi.al/wp-content/uploads/2023/02/WhatsApp-Video-2023-02-13-at-7.17.53-AM.mp4"][/video]
Mësohet se sipas vendimit të gjykatës, 90% e hotelit i ishte dhënë Dhimitër Evangjeliut dhe 5% dy pronarëve të tjerë, njëri prej tyre edhe Çabiri. Ndërkaq, shpërthimi është dëgjuar në të gjithë Sarandën dhe banorët raportojnë se ka shkaktuar lëkundje të ngjashme me tërmetin. Ngjarja e rëndë ndodhi në orën 05:54.
