22-vjeçarja keniane, e cila u dhunua barbarisht në Tiranë, ka ndërruar jetë. Lajmi për vdekjen u konfirmua nga e ëma e saj. Joy Ayoko ka ndërruar jetë në një nga spitalet në Kenia, ku e reja u transportua së fundmi.
Ngjarja e rëndë u shënua më 13 gusht. Keniania u dhunua dhe u hodh nga kati i dytë i banesës ku jetonte me qira në rrugën “Pandeli Evangjeli” në Tiranë. E reja punonte në një kazino në Tiranë dhe jetonte në Shqipëri prej janarit të 2022. Një natë ajo u gjet e hedhur pas pallatit ku banonte. Ajo ishte dhunuar brutalisht me kockat e ijeve dhe tre brinjë të thyera si dhe me trauma në tru. Edhe pse kanë kaluar disa muaj nga ngjarja e rëndë ende nuk është zbardhur se kush janë autorët që dhunuan dhe çuan në vdekjen e 22-vjeçares.
