Chris Brown me sa duket e uroi ish-in e tij Rihanna për shfaqjen e saj Super Bowl LVII.
Këngëtari i "Go Crazy" shkoi në Instagram Stories të dielën mbrëma, vetëm pak çaste pasi themeluesja e Fenty Beauty performoi disa hite të saj dhe zbuloi se është në pritje të fëmijës së saj të dytë. "GO GIRL", shkroi Brown krahas një zemre të kuqe. Kjo nuk është hera e parë që ai shpreh dashamirësinë për Rihanna.
Majin e kaluar, Chris uroi Rihannan dhe të dashurin e saj, A$AP Rocky, për lindjen e fëmijës së tyre të parë, një djalë. Ish-çifti filloi lidhjen në vitin 2007, dhe u ndanë dy vjet më vonë. Atëherër u zbulua se Brown kishte sulmuar fizikisht artisten përpara Grammy-t 2009. Ai u deklarua fajtor për sulm të rëndë dhe u dënua me pesë vjet liri me kusht. Dyshja u bashkuan përsëri në vitin 2012 dhe u takuan për rreth një vit tjetër përpara se të ndaheshin përfundimisht.
Rihanna e quajti pajtimin e shkurtër një “gabim" në një intervistë të janarit 2013. “Vendosa se ishte më e rëndësishme për mua të jem e lumtur”, tha ajo për Rolling Stone në atë kohë. “Nuk do të lejoja që opinioni i askujt të pengonte këtë. Pasi jam torturuar për kaq shumë vite, duke qenë e zemëruar unë do të preferoja thjesht të jetoja të vërtetën time.” Në dokumentarin e Brown të vitit 2017, "Welcome to My Life", ai tregoi se ajo "nuk i besoi" atij pas sulmit dhe ata do të "luftonin me njëri-tjetrin"./Lapsi.al
